 |
| César Quian |
A Casa da Cultura de Fene acollerá durante o mes de febreiro a
exposición “Fotoxornalismo Coruña 2013” da Deputación da Coruña, mostra
promovida pola Asociación da Prensa da cidade herculina.
A exposición poderá visitarse do 7 ao 19 de febreiro, de luns a
venres, de 10:00 a 13:00 horas e de 16:00 a 21:00 horas, e os sábados,
de 10:00 a 13:00 horas.
Fotoxornalismo Coruña 2013 recolle 23
instantáneas de recoñecidos profesionais do fotoxornalismo coruñés como
Susy Suárez, Andy Pérez, Víctor Echave, Marta Capote, Javier Alborés,
Quintana, Mero Barral, Pedro Puig ou Eduardo Pérez, nas que se repasan
os acontecementos e personaxes máis representativos do ano 2012 e de
parte do 2013. “Observar estas fotografías, mesmo sen ler os textos que
as documentan, é meterse de cheo en todo o noticiable que sucedeu nos
últimos meses na Coruña e a súa área metropolitana”, salienta o
presidente da Deputación da Coruña, Diego Calvo, no limiar do catálogo
da exposición.
O proxecto Fotoxornalismo Coruña naceu no ano 2000
co obxectivo de reunir aos profesionais que desenvolven o seu traballo
na cidade da Coruña a través de diarios, revistas, gabinetes de
comunicación e axencias de noticias, trasladando a través das súas
fotografías a realidade e a actualidade.
No hay comentarios:
Publicar un comentario